අක්ෂි පටල ප්‍රදාහය නමින් හැඳින්වෙන අක්ෂි රෝගයක් මේ දිනවල සීඝ්‍රයෙන් පැතිර යමින් තිබේ.
ජාතික අක්ෂි රෝහලේ අධ්‍යක්ෂ වෛද්‍ය සනත් ද සිල්වා මහතා සඳහන් කළේ දිනකට අක්ෂි රෝගීන් 65 දෙනෙකු පමණ ප්‍රතිකාර ගැනීම සඳහා ජාතික අක්ෂි රෝහලට පැමිණෙන බවයි.
ඇස් රතු වීම, කඳුලු ගැලීම, හිසරදය, හිරු එළිය දෙස බැලීමට අපහසුවීම මෙම රෝගය හඳුනාගැනීමේ ලක්ෂණ වන බව සනත් ද සිල්වා මහතා සඳහන් කළේය.
රෝග ලක්ෂණ පහල වූ වහාම සුදුසු වෛද්‍යවරයෙකු වෙත යොමුවීම සහ රෝගය පැතිරයාම පාලනය කිරීමට වෛද්‍ය උපදෙස් අනුව ක්‍රියාකරන ලෙස වෛද්‍ය සනත්ද සිල්වා මහතා පැවසුවේය.
විශේෂයෙන් ගමන් බිමන් සඳහා පොදු ප්‍රවාහන සේවා භාවිතයෙන් හැකි තරම් ඉවත්වීම මෙම රෝගය ව්‍යාප්තවීම පාලනයට හේතුවන බව සෞඛ්‍ය අංශය පෙන්වාදෙයි.
No comments:
Post a Comment